早上10 時正去拎籌, 11 點半返黎, 然後再等15分鐘就可以入座. 其實派籌的作用不大, 因為張籌3點之前都有效, 而且你再返到去也要再等, 不太合理. 應該順序比人用餐的嘛!
幾經辛苦終於入到去了. 因為沒有入座前寫好點心紙, 被店員教訓了. 可是我們根本不知道要這樣做! 幸好, 點心紙選擇少, 不消一分鐘兩個人就點了五碟點心.
先 來的是酥皮叉燒包, 金黃外皮令到賣相不錯. 其實酥皮的效果不明顯, 至少我食唔到鬆化的感覺, 不過隱約還食到些少牛油香味. 至於叉燒餡不過不失, 醬油多了一點, 鹹了一點. 個人認為叉燒包應該係鬆軟的, 如果要做酥皮的就應該食起來有咬口. 要做到有咬口就要用高筋粉, 撕開來會見到包有空隙的; 至於酥皮則應該分開整 (像整波羅包一樣). 可是我沒有食到這些特質. 要做到這樣, 除了要有心思/工藝, 選料也十分重要. 要要求一間小點心店做到這樣也許太苛刻了.
再來菠菜餃. 菠菜餡十足, 切得不碎, 有口感! 而且用料新鮮, 肯定是即日貨! 沒有其他配料, 可惜下了大蒜, 蔬菜清香盡失! 要學呀蘇講一句: 搞錯呀, 做咩要落大蒜?!!!!!
至於蝦餃比較小, 但用料還算足的. 食蝦有鮮味, 而且夠份量! 外型較小的原因是餡子包得比較實, 不是問題. 做到皮薄餡靚的境界!
叉燒腸粉分量小, 但皮的確夠薄, 而且外表光滑, 可以看到廚師手工! 至於叉燒餡則普通, 但有不少芫茜提升香味
最後是馬拉糕, 加了黃糖令到顏色深了不少. 至於味道普通, 靠多黃糖取勝.
可以要等太耐了, 下次應該不會再去. 大家也不要對米之蓮餐廳期望太高, 但質素也不會太差.
沒有留言:
張貼留言